Алдағы үш күнде республиканың басым бөлігінде ауа райы жылынады

Қазгидромет алдағы үш күнге ауа райы болжамын ұсынды.

Бұл туралы Sputnik.kz хабарлады.

Қазақстанға жылжып келе жатқан антициклонға байланысты республиканың басым бөлігінде жауын-шашын тоқтап, ауа температурасы көтерілуі мүмкін.

“21 сәуірге қарай оңтүстікте және оңтүстік-шығыста күндізгі температура 18-23, қиыр оңтүстікте 25-28, шығыста және орталықта 13-21 градусқа дейін көтеріліп, солтүстікте 10-18 градусқа дейін жылынады”, — деп хабарлайды синоптиктер.