Шымкентте қырықтан астам адам балмұздақтан уланып қалды
Шымкентте балмұздақ жеген қырықтан астам адам ауруханаға түсті, деп хабарлайды otyrar.kz өңірлік басылымы.
БАҚ мәліметінше, Шымкенттің жұқпалы аурулар емханасына екі күн ішінде 23 адам түскен: үшеуін 28 наурызда ауруханаға жеткізсе, 29-ы күні тағы 20 адам дәрігерлердің жәрдеміне мұқтаж болыпты.
Науқастардың жасы – 5 және 18 аралығында, барлығына бір диагноз қойылды – жедел ішек инфекциясы. Қазіргі уақытта жансақтау бөлімінде төрт адам жатыр: бес және алты жастағы екі бала мен 17 және 18 жастағы екі жасөспірім.
Ата-аналардың айтуынша, балмұздақ сататын дүкен “Қиял әлемі” саябағы маңында орналасқан. Сайттың берген ақпаратына сүйенсек, дүкен қазір жабық тұр.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз