Ақтөбеде болған атыс туралы жаңа дерек шықты
Ақтөбе қаласының орталығында болған атыс туралы жаңа деректер шықты, деп хабарлайды «Диапазон».
11 наурыз күні «Анвар» супермаркетінің маңында тұратын тұрғындар өздерінің көшеде атыс болып жатқанын естігендерін айтты. Оқиға болған жерге келген жедел жәрдем екі ер адамды ауруханаға жеткізді. Олардың біреуіне травматикалық тапаншадан оқ атылған, ал екіншісінің миына зақым келгені анықталды.
«Екі ер адамға көмек көрсетіліп, олар ауруханаға жатқызылды. 28 жастағы ер адамның ішіне, арқасына және иық тұсына оқ тиген. Ал 25 жастағы ер адамда жабық ми-бас жарақаты бар екені анықталды», – дейді жедел жәрдем қызметкерлері.
Алдын ала мәліметтерге сүйенсек, бірнеше адам төбелесіп, кейін олардың бірі травматикалық тапаншадан оқ атқан. Полиция оқ атқан адамды әлі іздестіріп жатыр. Полиция ҚР ҚК 293-бап 3-тарау бойынша сотқа дейінгі өндірісті бастады.
Естеріңізге сала кетсек, Ақтөбе облысында белгісіз адамның жаяу жүргіншіге оқ атқаны туралы хабарлаған болатынбыз.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе