Алматыда Орталық Азия қолөнер шеберлерінің көрмесі ашылды (фото)
Алматыдан Орталық Азия қолөнер шеберлерінің «Қызғалдақтар гүлдегенде» дәстүрлі көрме-жәрмеңкесі басталды, деп хабарлайды ҚазАқпарат.
Алматыда наурыздың 3-4 күндері ҚР Мемлекеттік орталық музейі «Бақыт» сән-қолданбалы өнер орталығы мен бірлесіп қолөнер шеберлерінің көрме-жәрмекеңесін ұйымдастырып отыр. Көрме 8 наурыз халықаралық әйелдер мерекесі тақырыбында ұйымдастырылған.
Шараға Қазақстанның барлық өңірінен және Қырғыз елі, Тәжікстан, Түркіменстан, Өзбекстан, Ресей, Грузия, Моңғолиядан 100-ден астам шебер өз туындыларын алып келген.
“Көктемгі мерекенің белгісі – қызғалдақтар. 8 наурыз жақындап қалды. Көктемнің осы бір шуақты мерекесі арқылы біз қыз-келіншектерге мейірім мен шаттық тарту етеміз”, – деді «Бақыт» сән-қолданбалы өнер орталығының қызметкері Күнсұлу Әбдіқаріп.
Жәрмеңкеде кәдесый, киізден, жібектен жасалған бұйымдар, кілемдер мен зергерлік әшекейлер, қыш ыдыстар қойылған.
Кәдесыйлардың құны 20 доллардан басталып, 1000 долларға дейін бар.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз