Атырау облысында құрылысшылар жатақханасынан өрт шығып, 4 адам қаза болды
Атырау облысында Қарабатан «Газтурбиналық электрстансысының» құрылыс аумағында контейнер типтес жатақхана өртенді.
Бұл туралы ҚР Ішкі істер министрлігі Төтенше жағдайлар комитетінің ресми өкілі Руслан Иманқұлов мәлім етті, деп хабарлайды ҚазАқпарат.
Қазіргі уақытта қаза болған 4 адамның денесі табылды, 4 адам зардап шеккен. Қарабатан «Газтурбиналық электрстансысы» Атырау қаласынан шамамен 40 шақырым жерде, Қызылқоға ауданы аумағында салынуда. Ол вахталық қалашықта орналасқан. Өрт бүгін, таңғы сағат 08.41-де шыққан.
«Өрт кезінде жатақханада түнгі ауысымдағы жұмысшылар – шамамен 20 адам болды. Осы уақытта 4 адамның мәйіті табылды. Тағы 4 адам зардап шекті», – деп атап өтті Р.Иманқұлов.
Жалын шарпыған аумақ 500 шаршы метр шамасында. Өрт 10.25-те оқшауланып, 10.45-те толығымен сөндірілді. Оның шығу себептері анықталу үстінде. Тілсіз жауды ауыздықтауға Атырау облыстық өрт сөндіру қызметінің 11 адамы мен 3 техникасы жұмылдырылды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз