“Бірінен бірі өтеді”. Полиция қыздардың арасында байқау жарияланды (фото)
Халықаралық әйелдер күні қарсаңында «Полиция аруы» фото-байқауы өтеді. Бұл байқауға еліміздің әр өңірінде полиция қатарында қызмет атқарып жатқан арулар қатысады.
Бұл туралы Қазақстан Республикасы ІІМ баспасөз қызметі хабарлады.
– Байқаудың басты ерекшелігі – тек қатысушылардың сыртқы түрін бағалау емес, сонымен бірге погон таққан әйелдердің ішкі әлемін, олардың кәсіби біліктілігі және жауапкершілігін де жан-жақты сарапқа салу. Мұндай байқаулар полицей-арулардың жаңа қырынан танылуына мүмкіндік береді, – дейді ҚР ІІМ Мемлекеттік тіл және ақпарат департаментінің директоры Алмас Садубаев.
Сондай-ақ, байқау қызметтік борышын адал атқарып жүрген полиция қызметкерлерінің беделі мен мәртебесінің артуына, сонымен бірге отбасылық құндылықтардың нығаюына ықпал етеді.
Байқауға қатысушыларды бағалауға www.mediaovd.kz сайтында және http://mediaovd.kz/ru/?page_id=18036 инстаграм-аккаунтында интернет желісін пайдаланушылар онлайн дауыс беруге қатыса алады.
Дауыс беру қорытындысы бойынша 6 үміткер таңдалады. Солардың ішінен редакциялық кеңестің шешімі негізінде «Полиция аруы» анықталады. 8 наурыз қарсаңында жеңімпаз атанған аруды министр арнайы құттықтайтын болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе