Путин мен Трамп телефон арқылы сөйлесті
Екі мемлекет лидерлері Палестина мен Израильдің жағдайын және көпшілікті алаңдатып отырған ортақ мәселелерді талқылады, деп хабарлайды Baq.kz ақпарат агенттігі korrespondent.net сайтына сілтеме жасап.
АҚШ және Ресей президенттері Дональд Трамп пен Владимир Путин 12 ақпан күні телефон арқылы сөйлесті. Бұл туралы Ақ үйдің баспасөз қызметі хабарлады.
Екі мемлекеттің лидерлері КХДР ядролық қару проблемасын және өзге де алаңдатып отырған ортақ мәселелерді талқылады. Сондай-ақ, Трамп Израиль мен Палестинаның «бейбіт келісімге» келуі қажет екенін айтып өтті.
«Путин Палестина автономиясының президенті Махмуд Аббаспен кездесетінін мәлімдеді, ал Трамп өз кезегінде тұрақты бейбіт келісім жасайтын уақыт келгенін айтты», – дейді АҚШ президентінің әкімшілігіндегілер.
Мұнымен қатар, америкалық лидер Ан-148 тікұшағында қайтыс болғандарға байланысты Путинге көңіл айтып, тергеу жұмыстарын жүргізуде көмектесуге дайын екенін жеткізді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз