Қайырымды полицей көрсек неге таң қаламыз?

Қазіргі Қазақстан қызық өзі…

Осы біз өзі полиция қызметкерлері қарапайым біреуге жақсылық жасап, қиын жағдайға душар болғандарға қол ұшын созып жатса – таң қаламыз.

Соны керемет жаңалық етіп баспасөз шулап кетеді.
https://kaz.365info.kz/allo-nazarbaev-shegip-al-an-o-ushy-mentterdi-or-yta-zhazdady-227216

Әй, неге?

Сонда полицейлер, кез-келген күштік құрылым, билік өкілдері табиғатынан жауыз болғаны ма? Әлде халық оларды солай қабылдай ма?

«Мәссаған, мына «менттерді» қара, жүрегінде мейірім бар екен, бұл қалай өзі?!» дейміз.

https://kaz.365info.kz/haly-nege-politsejlerdi-musor-dejdi-240596
Негізі, олар да адам. Көбі кәдімгі қазақтар. Біреудің ағасы, інісі, әкесі… Бірақ жұмыстағы қатал жүйе, тырп еткізбейтін қиын тәртіп оларды тасбауыр ете ме екен?

Бір жағынан, елдің бәрі байлық қуып кеткен бұл Қазақстанда ақша табу үшін кім қандай күнәға батпай жатыр?

Біреу жемқор болуға мәжбүр, біреу арамза, иманды ары ысырған тасжүрек болуға мәжбүр.

Өйткені анау сондай, байып барады. Бұл неге одан қалу керек?!

Құдай бетін ары қылсын, бірақ халық толқып, тағы алаңға шығып жатса – тәртіп пен жүйенің бас күзетшілері – осы полицейлер мен әскерилер қажет кезде тағы сол тасбауырлығына басатыны тағы анық. Содан ба екен, жайшылықта жай қазаққа жаны ашитын полицейді көргенде соншама таң қаламыз…