Астанада автобуста ер адам қайтыс болды

Бүгін елордадағы №307 автобуста жолаушы қайтыс болды, деп хабарлайды Вaq.kz.

Егде жастағы ер адам автобусқа Қоянды ауылындағы соңғы аялдамада отырған. Жүргізуші енді автобусты қозғалта бергенде жолаушылардың бірі ер адамның жағдайы нашарлап кеткенін айтып, айғайлаған. Жүргізуші тоқтап, оған дәрігерге дейінгі көмек көрсетуге тырысады.

«Жолаушылардың арасында медициналық білімі бар жолаушы болған. Ол ер адамды тез ауруханаға апармаса, қайтыс болып кететінін айтады. Жүргізуші бірден ауруханаға жол тартып, 3 минутта жетеді. Бірақ кеш болады. Алдын ала деректерге сүйенсек, ер адам жүрек талмасынан қайтыс болған. Тергеу шаралары жүріп жатыр. Өлімнің себебі анықталуда. Қаза тапқан азаматтың туыстары мен жақындарына көңіл айтамыз», – деді Астана LRT баспасөз хатшысы Науат Азанбаева.