Ресми Анкара лаңкестік топ деп таныған «Сирияның демократиялық күштері» араб-күрд жасақтары Түркияның 300-ден астам жауынгерін мерт қылғанын хабарлады.
Сондай-ақ олар өз қатарынан 43 адамның қаза тапқанын мәлімдеді. Дегенмен бұл ақпарат ресми расталған жоқ деп хабарлады Би-би-си.
Ал Түркияның Бас штабы «Зәйтүн бұтағы» операциясы басталғалы бері Афринда 343 лаңкесті жер жастандырғанын мәлімдеді. Бұл мәлімет бойынша үкімет әскерінің қатарынан 3 жауынгер мерт болған. Оған қоса мемлекеттік Бас штаб соңғы түнде 13 әскери ұшақ лаңкестердің 23 нысанын күл-талқан еткенін хабарлаған. Олардың қатарында содырлардың бекіністері мен оқ-дәрі жасыратын қоймасы бар.