Павлодар облысында қарға батқан машинадан ер адам құтқарылды
Павлодар облысында көлігі жол жиегіндегі жырадағы қарға батқан ер адам полиция қызметкерлерінің көмегімен құтқарылды, деп хабарлайды «ҚазАқпарат» ХАА тілшісі.
«20:00 шамасында Павлодар тұрғыны қолайсыз ауа райына қарамастан «Nissan Cedric» маркалы автокөлігімен Екібастұзға жолға шыққан. Күре жолда көлікті басқара алмай, жырадағы омбы қарға түсіп кеткен», – дейді Павлодар облысы ішкі істер департаментіндегілер.
Павлодар облысында қарға батқан машинадан ер адам құтқарылды Ер адам жалғыз өзі көлігін жолға шығара алмаған. Полиция қызметкерлерінің айтуынша, көмек келгенше бір сағаттай аязда қалып қойған. Оқиға Павлодар – Қызылорда автожолының 44-ші километрінде болған.
«Аға сержанттар Бауыржан Төкенов пен Азбек Қамзин төбесіне дейін қарға батқан машинаны көріп, көмекке келген. Олар қарды күрекпен күреп, машинаны шығарды», – дейді полициядағылар.
53 жастағы жүргізуші полицияға алғысын айтып, үйіне қарай жол тартты.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз