Автобустағы өрттен аман қалған екі өзбекстандық еліне қайтарылмайтын болды
Ақтөбе облысында өртенген автобуста аман қалған өзбекстандық екі жолаушыны еліне қайтаруға прокурорлар рұқсат бермеді. Өйткені тергеу кезінде куәлік етуге керек болады деп отыр, деп хабарлады КТК.
Облыстық аурухананың қос палатасына күзет қойылған. Оның бірінде автобустың тірі қалған жүргізушілері жатса, екіншісіне өзбек жолаушылары орналасыпты. Олардан күн сайын тергеушілер жауап алып жатыр. Осылайша өрттің шығуына кінәліні таппақ.
Дегенмен осы күнге дейін кімге айып тағылғаны туралы тәртіп сақшылары тіс жармады. Тек жол ережесінің бұзылғанына қатысты қылмыстық істің қозғалғанын ғана хабарлады. Ал дәрігерлер, тергеушілер болмағанда автобуста тірі қалған бесеуді әлдеқашан ауруханадан шығарып жіберер едік деп отыр.
“Жалпы, бұл кісілердің стационарлық ем алуына ешқандай қажеттілік жоқ. Олар шығуы керек. Бірақ тергеу амалдары жүріп жатқаннан кейін біз оларды амалсыз шығармай отырмыз”, — дейді Ақтөбе облыстық жедел медициналық көмек көрсету ауруханасының бас дәрігері Рақымжан Арыстан.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз