Орал қаласында Ұлттық ұлан жауынгерлері 33 жастағы азаматшаның өліміне қатысы бар күдіктілерді ұстады, деп хабарлайды «Батыс» өңірлік қолбасшылығының баспасөз қызметіне сілтеме жасап Stan.kz.
Оқиға 18 қаңтар күні кешкісін орын алған. Сағат 21.00 шамасында 5517 әскери бөлімнің Ақниет Нәсіпқалиев, Зиятжан Юнусметов, Мереке Қасымханов есімді қатардағы жауынгерлері бар тобы 4-шағынауданда №9 үйдің жертөлесінен қатты шығып жатқан дауыстарды естіп, төменге түседі. Сол жерден беті қанға боялған қыздың мүрдесін, асүй пышағын және төрт адамды көреді. Сол бойда топ басшысы А.Нәсіпқалиев полиция қызметкерлерін оқиға орнына шақырады.
Қазіргі уақытта ҚР ҚК 99-бабына (Адам өлтіру) сәйкес тергеу амалдары жүргізілуде.