Қарағанды облысындағы дүкенде киім-кешек тегін беріліп жатыр
Саранда алғашқы әлеуметтік қайырымдылық «БлагоДарю» дүкені ашылды. Онда заттарды тегін алуға немесе төмен бағамен алуға болады, деп хабарлайды өңір басшылығының баспасөз қызметіне сілтеме жасап Stan.kz.
«БлагоДарю» дүкенінде әзірге кішігірім екі бөлім ғана бар. Біріншісінде – қолданыста болған, бірақ жағдайы жақсы киімдер. Олар мұқтаж жандарға тегін таратылады. Ал екінші бөлімде – дүкеннен сатып алынған жаңа заттар. Оларды сауда нүктелерінің иелері, тауар сатылмай қалған жағдайда алып келіп өткізеді. Бұл заттарды кез келген адам төмен бағамен сатып алуларына болады. Барлық түскен қаражат қайырымдылыққа жұмсалады.
“Қазіргі таңда дүкенді ашу мүмкіндігі Саран қаласының жастар ресурс орталығы мен жергілікті кәсіпкерлер палатасының филиалының көмегінің арқасында пайда болды. Олар қала әкімшілігімен келісіп, бізге тегін түрде екі кішігірім бөлме бөлінді. Бізге бұл әзірге жеткілікті”, – дейді Анна.
“Доброволец” бірлестігінің қарауында 214 отбасы бар. Олардың кейбірі дүкенні алғашқы үш күн аралығында қажетті киімдерін алып үлгерген.
“Бүгін дүкен үшінші күн істеп жатыр. Кеше бізге төрт жанұя келді де, барлық отбасы мүшелеріне қажетті киім-кешектерін тегін алып кетті. Әрине, әзірге келушілердің барлығы тегін бөлімге барып жатыр. Алайда біз өзіміз де соған басымдылық танытып отырмыз, осылай боларын күткенбіз”, – дейді Анна.
Айта кету керек, дүкеннің жанынан қала тұрғындары берген киім-кешектерді қалыпқа келтіру үшін кір жуатын бөлме ашу жоспарланып отыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе