Жертөледе тұратын 30 жастағы қазақ жігітінің хикаясы көпшілікті жылатты
30 жастағы Мұхаммедқали Шәкеев жазда даланы, қыста жертөлені мекен етеді. Апталдай азаматтың не құжаты, не өмірге деген құштарлығы жоқ.
“Қазақстан” арнасының “Қарекет” бағдарламасы Мұхаммедқалидің өміріне арналған хабарды көрерменге ұсынды.
Бағдарлама авторының айтуынша, бүгінде жертөлені мекен етіп отырған Мұхаммедқалидің бір кездері үлкен үйі де, ата-анасы да, арманы да болған. Алайда отбасы алаяқтарға алданып қалды, ата-анасы өмірден өтті, жігіттің өзі далада қалған.
“Бұл жігіттің жағдайы қиындау. Қанша жылдан бері қиыншылықта өмір сүріп келе жатыр. Жертөледе тұрады. Анда санда ас-суын әкеп тұрамыз, өзі де азығын тауып ішеді”, – дейді Мұхаммедқалидің досы.
“Бұл өмірде ата-ананың болмағаны жаман екен. Соның салдарынан осындай күйге жеттім. Жасым 30-ға келді. Осындай жағдайға ұшырадым. Жертөледе, саябақта өмір сүремін. Далада кетіп бара жатқан жұптарды көремін. Үйленіп, балалы болғым келеді. Жасым болса кетіп бара жатыр. Өмірімнің өтіп кетпегеніне сенгім келеді”, – дейді Мұхаммедқали.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе