Атырауда SMS-хабарлама арқылы рәсімделген туу туралы куәліктер табысталды
Жаңа босанған аналар енді перзентханадан шықпай тұрып баласының туу туралы куәлігін рәсімдей алады, деп хабарлады Атырау облысының өңірлік коммуникациялар қызметі.
Ол үшін egov.kz сайтына тіркелу керек. Сонда бала өмірге келісімен оның ата-анасына SMS-хабарлама арқылы құттықтау келіп, аталмыш мемлекеттік қызмет түрі ұсынылады.
“Азаматтарға арналған үкімет» мемлекеттік корпорациясы” АҚ Атырау облыстық филиалы Халыққа қызмет көрсету орталығы департаментінің директоры Тұрлан Нұржановтың айтуынша, республика бойынша 11 қаңтарға дейін алты мыңға жуық анаға смс-құттықтау келді. Соның ішінде Атырау облысы бойынша Атырау қалалық перзентханада дүниеге келген Бағыт Әли Тілекқабылұлы мен облыстық перинаталды орталықта өмір есігін ашқан Мақсым Омар Нұрбекұлына проактивті әдіспен куәлік алу сәті бұйырып тұр.
“Жасым 24-те. Өзім Махамбет ауданының тумасымын. Отбасы құрғанымызға екі жылдай болды. 10 қаңтарда ұлды болдық, туған-туыстарымыздың да қуанышында шек жоқ. Оның үстіне жедел, автоматты түрде оп-оңай рәсімделетін алғашқы куәлік ұлымызға бұйырыпты. Қуаныштымыз”, — дейді жас ана.
Айта кетейік, бұл пилоттық жоба “Азаматтарға арналған үкімет” мемлекеттік корпорациясы “Ұлттық ақпараттық технологиялар” акционерлік қоғамының проактивті әдісі аясында жүзеге асып отыр. Бүгінде бала туғаннан кейін ата-аналар баланы тіркеу, куәлік алу, жәрдемақы тағайындау және балабақшаға кезекке қою үшін халыққа қызмет көрсету орталықтарына баруы тиіс болатын.
Енді проактивті қағидаттың іске қосылуына байланысты фронт-офистерге барудың, тіпті электрондық үкімет порталына жүгінудің де қажеті жоқ. Рәсімделген соң оған смс хабарлама келеді.
Ата-ана халыққа қызмет көрсету орталығына баланың куәлігін алып кету үшін ғана барады немесе үйге жеткізу қызметін пайдалануға да мүмкіндігі бар.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе