Қазақстандықтар 17 млрд көлеміндегі айыппұл мен салықты онлайн төледі
Айыппұл мен салықты онлайн төлеу саны үш есе өсті, деп хабарлайды Baq.kz ақпарат агенттігі Ұлттық ақпараттық технологиялар (ҰАТ) баспасөз қызметіне сілтеме жасап.
2014 жылы аталған транзакциялар саны 639,7 мыңға жетсе, 2017 жылы бұл аударымдардың саны 1,9 миллионнан асты. Осы кезеңде жасалған төлемдердің жалпы құны 46 млрд теңгеге жетті. Олардың 17 миллиарды өткен жылға тиесілі.
«Қазақстандықтар электронды үкімет арқылы салық, айыппұл және өзге төлемдерді жүзеге асыруды жөн көреді», – делінген ҰАТ баспасөз хабарламасында.
Ведомствода 2017 жылы 34 млн мемлекеттік қызметтің электронды үкімет арқылы жүзеге асырылғаны көрсетілген. Барлық уақыт ішінде бұл көрсеткіш 200 миллионға жетті.
«Отбасы» бөлімі арқылы халық 22,4 млн мекен-жай туралы анықтама, 92,9 мың балабақшаға орналастыру, 79,9 мың некені заңдастыру сынды қызметтерді бәрінен көп пайдаланған. Мұнымен қатар, ажырасуға 4,3 мың өтініш келіп түсті.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз