Нью-Йорк орталығындағы жарылысқа қатысты жаңа дерек шықты
Нью-Йорк орталығындағы жарылысты ұйымдастырған күдікті жарылғыш құрылғыны жасау үшін шырша гирляндасын пайдаланған, деп жазады РИА Новости NBC арнасына сілтеме жасап.
“Полиция мәліметінше, бұрынғы такси жүргізушісі құрылғыны жасау үшін шырша гирляндасын пайдаланған”, — деп хабарлады арна.
Дүйсенбі күні Манхэттеннің шығысында жер асты өткелінде жарылыс болды. Бастапқы мәлімет бойынша, 27 жастағы Акайед Улланың денесіне қолдан жасалған, сапасы төмен жарылғыш құрылғы байланған. Өрт сөндіру қызметінің мәліметіне сүйенсек, күдікті күйік жарақаттарын алған және маңында болған тағы үш адам жеңіл-желпі зардап шегіпті.
New York Post мәліметіне сүйенсек, Улла бұл қадамға кек алу мақсатында барған. “Олар менің елімді бомбалап жатыр, ал мен осында өшімді алмақ болдым”, — дейді ұсталған азамат.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе