Қарағандыда үйі өртенген зейнеткер қос немересін құтқарып, өзі қайтыс болды

Жарылыстың күшті болғаны соншалық, үйдің төбесі опырылып ортасына түскен. Үйіндінің астынан 60 жастағы әйелдің денесі табылды,-деп жазды КТК арнасы.

Оқиға куәгерлерінің айтуынша екі немересін бағып отырған әйел үйдегі қара түтіннен кішкентайларды алып шыққан екен.

Алайда балаларды қалдыра сап жанып жатқан үйге қайта кіріпті. Көп ұзамай жарылыс болған. Сөйтсе, үйде бар газ баллоны қызуға шыдамай жарылған екен. Салдарынан ас үйдің төбесі опырылып түскен. Қазір өрттің қайдан шыққаны анықталып жатыр.

“Болжам бойынша, үйдегілер электр су қайнатқышты сөндірмеген. Соның салдарынан құрылғы балқып, өрттің шығуына себеп болды деп отырмыз. Нақты себебі зертханалық жұмыстар нәтижесінде”,-дейді Қарағанды облыстық ТЖД баспасөз хатшысы Жанна Дәуренбекова.