Ұлы даланың асқақ үні Мажар көрермендерін баурап, қиялдарына ерік берді
Венгрияның Дьор және Солнок қалаларында қарашаның 26-ы мен 27-сінде Құрманғазы атындағы қазақ ұлттық консерваториясының аралас хорының концерті болып өтті.
Бұл концертті Қазақстан Республикасының тұңғыш президенті күніне орай Венгриядағы Қазақстанның елшілігі ұйымдастырды.
1944 жылы құрылған хор көрермендеріне қазақ, орыс, венгр және итальян композиторларының музыкалық шығармаларын ұсынды. Әсіресе, Мажар елі көрермендерін Ақан Серінің атақты шығармасы – Қараторғай мен қазақтың халық әні – Майра қатты тәнті етті.
Қазақстан елшісі Нұрбах Рүстемов Мемлекет басшысының қазіргі тәуелсіз Қазақстанды құрудағы өлшеусіз рөліне тоқталып, ел жетістіктерін атады.
Өз кезегінде Яс-Надькун-Солнок облыстық кеңесінің төрағасы Шандор Ковач:
„XIII ғасырда Венгрияның шығыс бөлігі қыпшақтардың екінші үйі болғанын, сондықтан қазақстандық өнер адамдарының алтын дауысы сол туған ұлы даланы сипаттап, елдің жүрегін елжіретті„ – деп айтты.
Бұл концерт венгр халқына жақсы көңіл-күй сыйлап қана қоймай, қазақ музыканттары жаңа буынының кәсіби шеберлігі мықты екенін жырақта тағы бір паш етті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе