Қарағандыда жүк вагонының төбесінде селфи жасаған бала қайтыс болды
Қарағандыда жүк вагонының төбесіне шығып досымен бірге суретке түсуге әрекеттенген кезінде тоқ соққан 14 жастағы жеткіншек жансақтау бөлімінде көз жұмды,- деп хабарлайды ҚазАқпарат.
«Жасөспірімнің денесінің 63 пайызын күйік шалған. Оны ажалдан құтқару мүмкін болмады», – деп хабарлады Қарағанды облысы денсаулық сақтау басқармасының баспасөз хатшысы Айжан Иса.
Еске сала кетсек, 17 қарашада «Қарағанды-Пассажирская» теміржол стансасының жолында жүк вагонының төбесіне шыққан 14 жастағы екі баланы тоқ соққан.
Вагонның электр желілеріндегі тоқ кернеуі 27 мың вольт болған. Қауіп туралы білмеген жеткіншектер ерекше селфи жасамақ болып, күзеттен жасырына вагон төбесіне шыққан.
«17 қараша күні сағат 17:40-та станса жұмысшыларынан шақырту түсті. Электр тоғымен жарақат алған 14 жастағы екі бала ауруханаға жеткізілді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе