Қазақстанның қай өңірінде арақ көп ішілетіні анықталды

Сарапшылар елімізде алкоголь өнімдерін ең көп және ең аз қолданатын өңірлерді атады. 2016 жылдың ресми статистикасына қарағанда, елімізде арақты көп ішетін өңір Ақмола облысы болып шықты, ал Оңтүстік Қазақстан облысы бұл тізімнің соңында тұр.

Бұл туралы Finprom.kz сарапшыларының зерттеуінде айтылады.

Сондай-ақ, ресми мәліметтерге қарағанда, 2017 жылдың қаңтар-қазан айлары аралығында арақ өнімдерін шығару 20 пайызға, яғни, 21,8 миллион литрге дейін қысқарған.

“Бірақ ендігіде алкоголь өнімдері акциздерін 45 пайызға қымбаттату жоспарланып отыр. Яғни, 2017 жылы арақтың 1 литрі – 2 мың теңгеге жетсе, 2018 жылы 2 275 теңге, ал 2019 жылы бағаны 2 550 теңгеге дейін қымбаттату жоспарланып отыр”, – делінген мақалада.