Павлодарда мұғалім оқушының алтын бұйымдарын алдап алып қойған
Павлодар облысына қарасты Екібастұз қаласында 11 сынып оқушысының алтын бұйымдарын алдап, алып алған физика пәнінің мұғаліміне қатысты тергеу жұмыстары басталды.
Бұл туралы Павлодар облысының ІІД баспасөз қызметі хабарлады.
Ведомствоның хабарлауынша, Екібастұз қаласындағы мектептердің бірінде физика пәнінің мұғаліміне қатысты ҚР ҚК-нің 190-бабы (алаяқтық) бойынша сотқа дейінгі тергеу амалдары жүргізіліп жатыр.
«Күдікті 11 сынып оқушысының сеніміне кіре отырып, анасының сырқаттанып қалғанын айтып, оның алтын бұйымдарын сұрап алған. Алтын қолына түскеннен кейін ол бұйымдарды ломбардқа өткізіп, 240 мың теңге алған», – деп хабарлайды ІІД баспасөз қызметінен.
Оқушы бірнеше рет алтынын қайтарып алу туралы мұғалімге өтініш білдіргенімен, қайтара алмапты. Ақыры, бұл жағдай туралы Instagram-дағы парақшасына жазған. Қазіргі уақытта барлық алтын бұйымдар оқушыға қайтарылып, алаяқ мұғалім заң алдында жауап беретін болды.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз