5 жасар қыз кір жуғыш машинада тұншығып қалды
Ресейдің Магадан облысында 5 жастағы қыз кір жуғыш машинада тұншығып қалған, деп хабарлайды Baq.kz ақпарат агенттігі ria.ru-ға сілтеме жасап.
Тергеушілер кір жуатын машинаның ішінен табылған баланың қалай қайтыс болғанын анықтауда.
«Белгілі болғандай, 20 қарашада 5 жасар қыз алты сағат бойы үйінде жалғыз қалған. Туыстары кешке үйге келген кезде баланың денесін кір жуғыш машинадан тауып алған», – деп жазылған РФ ТБ хабарламасында.
«Қайғылы оқиғаның мән-жайы тексерілуде. Тергеушілер баланың үйде неге жалғыз қалғанын, мектепке дейінгі білім беру орталығына неге бармағанын, отбасының жағдайы қандай екенін, ата-анасының балаға қалай қарағанын тексеруде. Сондай-ақ, осы деректер анықталған соң отбасындағы басқа балалардың тәрбиесіне қатысты қандай шешімдер шығарылатыны белгілі болады», – дейді ведомство өкілдері.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе