“Екі ұлы бар”. Роза Әлқожа інісінің отбасылық құпиясын ашып қойды

Шоу-бизнеске аяқ басқан әр ер әншінің отбасылық жеке өмірін құпия ұстауы үйреншікті жадайға айналып кетті. Жас әнші Әбдіжаппар Әлқожаның құпия ұстауы қолынан келмей қалған сыңайлы.

Бұл туралы 31 арнаның “Айта берсін” бағдарламасы хабарлайды.

Әншінің әпкесі Роза Әлқожаның айтуынша, Әбдіжаппар жеке өмірін құпия ұстауға мүлде  тырыспаған екен.

“Әбдіжаппар жасырған жоқ, “Хабар” телеарнасына Толқын Сейдоллақызы шақырған кезде жарын алып шықты. Ол кезде танымал болған жоқ, содан ел білген жоқ. Ал негізінде мен өзім Facebook-те құттықтап салдым. Одан кейін өзі айтты: “Мен әнші ретінде танылайыншы. Сосын сала бересіз”, – деп. Оны кімнен жасырамыз? Жігіт адам болған соң, дұрыс жігіт болса, оның отбасы болуы шарт қой. Бәрі өз орнымен болған. Құда түсіп барғанбыз”, – деп атап өтті Роза.