Германия құжаттарында “үшінші жыныс” тобы пайда болмақ

9 қараша 2017, 20:27

Карлсруэның конституциялық соты 2018 жылдың соңына дейін құжаттарда тағы да бір гендерлік категорияның пайда болатынын айтты. Аталған жыныс түрі құжаттарда “интер” немесе “өзге” деп жазылуы мүмкін. Бұл жаңалықты естіген белсенділер әлеуметтік желідегі парақшаларында өздерінің қатты таңқалып, айтарға сөз таба алмай жатқандарын жарыса жазып жатыр.

БҰҰ мәліметіне сүйенсек, жер бетіндегі халықтың 1,7 пайызы интерсексуалдар қатарына жатады. Ал интерсексуалдар дегеніміз – бойларында әйелдер мен ерлерге тән жыныстық белгілерді түйістірген адамдар. Яғни олардың жынысын дәл анықтау қиын. Дәл осы секілді құжаттағы өзгерістер АҚШ, Аустралия, Үндістан, Жаңа Зеландия және Непалда бар.