Бүгін елдің басым бөлігінде тұман түседі
Атмосфералық ағындардың өтуіне байланысты 9 қарашада Қазақстанның басым бөлігінде жаңбыр жауады, тек батыс, оңтүстік-батыс және оңтүстік-шығыста жауын-шашынсыз. Кей жерлерде жел күшейеді, тұман, көктайғақ, бұрқасын болады.
Бұл туралы Қазгидромет хабарлайды.
Солтүстік Қазақстан, Ақмола облыстарында желдің күшеюі 15-20 м/с, кей жерлерде екпіні 23-28 м/с жетеді, кей жерлерінде тұман, көктайғақ, бұрқасын болуы ықтимал. Қостанай облысында желдің күшейіп, жылдамдығы 17-22 м/с жетеді, кей жерлерде тұман, көктайғақ, бұрқасын күтіледі. Павлодар, Қарағанды облыстарының кей жерлерінде тұман түсіп көктайғақ болады, желдің жылдамдығы 15-20 м/с. Павлодар облысында бұрқасын болуы мүмкін.
Маңғыстау, Атырау, Батыс Қазақстан, Ақтөбе, Шығыс Қазақстан облыстарының кей жерлерінде тұман күтіледі. Жамбыл облысының кей жерлерінде тұман түседі, күндіз желдің күшейіп, жылдамдығы 15-20 м/с-қа жетеді. Қызылорда облысында тұман, жел 15-20 м/с болады. Оңтүстік Қазақстан облысында таңертең және күндіз кей жерлерінде жел 15-20 м/с күшейеді.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз