“Қазақтың атын шығарам”. Қайрат Түнтеков мұхит асып, Америкаға қоныс аудармақ

“Мен шығарсам болатын еді, на-на-на деп шығара салам.

Күніне пачка-пачка өлеңдерді шығара беруге болады.

Сөздің шыны керек. Бірақ менің ішкі дүнием ондай емес те көрдіңіз бе”, – деп түсіндірді Қайрат.

Қазақ шоу-бизнесіне көңілі көншімейтін Қайрат, шетелдегі халқаралық ән додаларына қатысу үшін қомақты қаражат керек дейді. Оның ойынша, дарындарға қол ұшын созып, қолдау көрсетер жомарт жандар жетіспейді.

“Шоу-бизнес дамымағаннан кейін, бізде қызық емес те ақша салу, спонсорларға. Тек қана бизнеске салады, бизнес ақша алып келеді”, – дейді Түнтеков.

Қиындықтарына қарамастан үлкен камбэк жасауға бекінген орындаушы, жуық арада «Америка дауысы» байқауында ән шырқап жатса, еш таңқалмаңыз.

“Кішкентай кезімнен осы мақсатым бар, Америкаға барып, жасым 58-ге келетін болса да, барамын да әйтеуір өзімнің атымды шығарамын сол жақта. Тек қана өзім-өзім деп жатқан жоқпын. Ондай емес менде, мен тұра бермеймін Америкада, өз елімде боламын.

Бірақ қазақтың атын қатты шығарғым келіп жүр”, – дейді Қайрат.

Одан бөлек, өнер иесі бірнеше тың туындылар жазып қойған көрінеді. Қатарға қайта қосылдым деген Қайратты, жаңа әніне сусаған тыңдармандары бары қуантады.

Дереккөз: Stan.kz