Ақтөбенің тәртіп сақшылары қаланың қақ ортасындағы сауда орталығына тінту жүргізді. Әсіресе, ұялы телефон сататын діндар жігіттерді тексеріп, бірнешеуін тергеуге алған, деп хабарлайды КТК арнасы.
Бетперде киіп, қаруланған сарбаздар сауда орталығына сау ете қалғанда сондағы жұрт қорқып қалыпты. Жақын маңды қоршауға алып, ғимаратқа ешкімді жолатпаған. Жергілікті билік полицейлердің ұрланған ұялы телефондарды анықтамақ болғанын айтады. Десе де, сол орталықтағы саудагерлердің дені қауға сақалды, шолақ балақты жігіттер.
Ақырында қолға түскен саудагерлердің саны 10-нан асты.