Жыл басынан бері әлеуметтік желідегі жазбасы үшін 16 адам абақтыға жабылды
Жыл басынан бері 20 қазақстандық әлеуметтік желідегі сөздері үшін сотқа тартылды.
Олардың 16-сы бас бостандығынан айырылды, деп хабарлайды ҚР Бас прокуратурасының баспасөз қызметіне сілтеме жасап Қазақпарат агенттігі.
Құқықтық статистика және арнайы есепке алу комитетінің деректеріне сәйкес, 1 құқық бұзушы Қазақстанның унитарлығы мен тұтастығын бұзуға шақырғаны үшін 5 жылға түрмеге жабылған.
Тағы 15 азамат Қылмыстық кодекстің 256-бабы бойынша сотталған. Олар терроризмді насихаттап, теракт жасауға шақырғандары үшін айыпты деп танылып, 2 жылдан 9 жылға дейін абақтыға қамалған.
Тағы екі заң бұзушының ҚР Қылмыстық кодексінің 174-бабы – әлеуметтік, ұлттық, рулық, нәсiлдiк, тектік-топтық немесе дiни алауыздықты қоздыру бойынша бас бостандықтары шектелген. Әлеуметтік желіде билік өкілін балағаттаған бір қазақстандық шамамен 227 мың теңге айыппұл төлеген.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз