Қазақтардың алған несиесі рекордтық деңгейге жетті
Тұтыну несиелерінің көлемі екінші ай қатарынан рекордты жаңартып отыр.
2017 жылдың тамызының қорытындысы бойынша, ҚР екінші деңгейлі банктерінің тұтыну несиелерінің портфелі бір айда 3,0% ұлғайып, 2,8 трлн теңгеге жетті. Ал бір жылда бұл көрсеткіш 12,1% ұлғайған.
Екінші деңгейлі банктердің жалпы несиелік портфедінің ішіндегі тұтыну несиелерінің үлесі бір жылда 19,7%-дан 21,5%-ға көтерілді.
Елдің 16 өңірі де бір жылда тұтыну несиелерінің көлемін арттырған.
Соның ішінде астаналықтардың несие алу қарқыны көш басында. Бір жылда Астанадағы тұтыну несиесінің өсімі 16,8% болса (33 млрд ұлғайып, 229,8 млрд теңгеге жетті), жалпы республикадағы көрсеткіштегі үлесі7,9%-дан 8,2%-ға артты.
Екінші орындағы Алматының жылдық өсімі 30,9 млрд теңге 3,0%, яғни 1045,0 млрд теңгеге жетті. Ал республика бойынша үлесі 40,6%-дан 37,3%-ға азайды.
Алғашқы үштікті Қарағанды облысы қорытындылайды. Қарағандылықтар бір жылда алған несиелерінің көлемін 30,1 млрд теңгеге ұлғайтып (20,4%), 177,1 млрд теңгеге жеткізді. Республикалық көрсеткіштегі үлесі 5,9%-дан 6,3%-ға көбейді.
Қазақстан бойынша ең қолжетімді несие 1 млн теңгеге дейінгі кепілзатсыз несие.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе