Көкшетауда досын өлтіріп, елден қашып кеткен ер адам сотталды
Кісі өліміне қатысы бар күдікті Ресей-Украина шекарасында ұсталған.
Көкшетау тұрғыны досын өлтіргені үшін ұзақ жылға сотталды, деп хабарлайды Sputnik.
Тергеу деректеріне сүйенсек, 30 жастағы Александр Безруков 26 жастағы Николай Кулаковскийдің ақшасы барын біліп, 19 маусымда түнгі клубтан соң үйіне шақырады. Үйінде мас Безруков досының басы мен денесін ауыр затпен ұрып, кейін пышақтайды. Николай сол жерде көз жұмған. Кейін Безруков оның пәтеріне барып ірі көлемде қаражатын алып кетеді.
Туған-туыстары полицияға барып Кулаковскийдің жоғалып кеткені туралы арыз берген. Оның денесі 30 маусымда Қылшықты өзенінде табылды.
Құқық қорғау органдары қылмыстық іс қозғап, Көкшетау тұрғынына іздеу жарияланған.
Безруков Ресей мен Украина шекарасында Донецкте ұсталды. Сөйтіп Көкшетауға жөнелтілді.
Алқабилер соты 30 жастағы Александр Безруковты кісі өлтіріп, ақша ұрлағаны үшін айыпты деп танып, жиырма жылға соттады және мүлкін тәркіледі. Сонымен қатар қаза тапқан жігіттің отбасына материалдық және моральдық шығын төлеуі тиіс.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз