Таяуда екінші рет әке атанатын Дастан Оразбеков сүйіктісімен бірге сыр бөлісті. Тұңғыштары – Алдияр өмірге келгеннен соң, он үш жыл дегенде Жанат ханымның екінші сәбиіне аяғы ауырлаған. Сондықтан да, бақытты жұп бастысы құрсақтағы нәрестенің саулығы, – дейді.
Бұл туралы НТК арнасының «Ревю» бағдарламасында айтылды деп хабарлады Stan.kz
Үйге жиі қонбауы, әлде түрлі картиналарда сан-алуан актрисалармен ойнауы сеп болды ма, Оразбековтың айналасында қауесет қарша борады. Соңғысы, Дастан Жанар Дұғаловамен «көңіл жарастырды» деген ақпарат. Серінің өзі инстаграм парақшасында бұл әңгімені жоққа шығарып, арнайы пост жазды.
«Қазаққа тән дүние, бір сөзді естіп қалса іле кететін. Менің жарымның уайымы аздау болсын деп, кішкене мынандай жағдайда жүрген уақытта бір аса нервісі ұстамасын деп жазған болатынмын
, – дейді Оразбеков.
«Жанарды жақсы танимын. Ондай қауесетке мән бермеймін, бергім де келмейді. Бәрін айт та, бірін айт. Қайын жұрттан ұят болды. Қайын бикелерімнен ұят болды», – дейді Дастанның жары Жанат Оразбекова.
Оразбековтер отбасында біраз түсініспеушілік туындатқан мәселе ақыры оң шешімін тапты. Енді, екі айдан соң дүниеге келер сәбиді асыға тосып жүр. Жанат ханыммен бірге Динара Қырықпаева да бесік тербетпек. Сылқымның да екінші перзентіне аяғы ауыр. Дастанның «Ордалас» досы – Ерболат Беделхан да таяуда төртінші рет әке атанады. Бұған қоса, Ақбота Керімбекова да көпбалалы аналар тізіміне жақында қосылып қалуы мүмкін.