Бүгін Қазақстан құрамасы 2018 жылы өтетін футболдан әлем чемпионатының іріктеу кезеңінде Черногорияға қарсы ойын өткізіп, өз алаңында 0:3 есебімен жеңілді, деп хабарлайды Baq.kz.
Футбол: өз алаңымызда ойсырай ұтылдық
Е тобының жетінші тур матчы «Астана Арена» стадионында өтті.
Ойынның 31-минутында Черногория футболшысы Марко Вешович Қазақстан қақпасына гол соғып, есеп ашты. Бірінші тайм 0:1 есебімен алаң қонақтарының пайдасына шешілді.
Екінші таймның 53-минутында черногориялық шабуылшы Фатос Бечирай Қазақстан қақпасына баспен гол соқты. Арада он минут өткен соң, яғни ойынның 63-минутында қорғаушы Марко Симичтің тепкен добы голға айналды.
Осылайша, үш гол жіберіп алған Қазақстан құрамасы ұпайсыз қалды.
Ойын алдындағы нәтиже бойынша Черногория құрамасы Е тобында 10 ұпаймен екінші орынға жайғасқан. Ал Қазақстан құрамасы 2 ұпаймен соңғы алтыншы орында тұрған еді
Қыркүйектің 1-нен 2-не қараған түні Е тобында тағы екі матч өтеді. Астана уақытымен 00:45-те Дания өз алаңында Польшаны қабылдайды, ал Румыния Армениямен кездеседі.
Қазақстан құрамасы келесі ойынды 4 қыркүйек күні Е тобында көш бастап тұрған Польшаға қарсы өткізеді.
Еске сала кетейік, былтыр Черногория өз алаңында Қазақстанды 5:0 есебімен ұтқан болатын.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз