Бүгін Қазақстанның басым бөлігінде жауын-шашынсыз ауа-райы сақталады. Солтүстік, солтүстік шығыс, шығыс өңірлердің кей жерінде тұман болып, қатты жел тұрады, ал оңтүстікте және оңтүстік-батыста шаңды дауыл соғады деп күтіледі.
Бұл туралы ҚР ІІМ Төтенше жағдайлар комитетінің баспасөз қызметі хабарлады.
Оңтүстік Қазақстан, Қызылорда, Жамбыл, Маңғыстау облыстарының кей жерлерінде желдің жылдамдығы 15-20 м/с-ға дейін жетіп, шаңды дауыл соғады. Күндіз Батыс Қазақстан облысының кей жерлерінде де осындай дауыл соғуы болжанады.
Атырау, Алматы, Қызылорда, Оңтүстік Қазақстан, Жамбыл, Батыс Қазақстанның кей жерлерінде, Ақтөбе, Қостанай, Шығыс Қазақстан облыстарында өте жоғары өрт қаупі сақталады.
Күндіз Атырау, Маңғыстау, Ақтөбе, Батыс Қазақстан, Қостанай, Қарағанды облыстарында қатты ыстық ауа-райы сақталады.