Оңтүстік Қазақстанда жұртты лаңкестікке үгіттеген азамат сотталды
27 жастағы Сайрам тұрғыны Әбілқасым Қадырахунов қасына өңшең жастарды жинап алып, «Ислам мемлекеті» ұйымының қатарына қосылуды уағыздаған, деп хабарлайды КТК арнасы.
Осы Қадырахуновтың кесірінен қанша қазақтың Сирия мен Иракқа аттанғаны белгісіз. Бір анығы, ол үгіт-насихатын әлеуметтік желілерде ашық жүргізіпті. Сондықтан, құзырлы орындарға экстремисті табу қиындық туғызбаған.
Тергеу мәліметтеріне қарағанда, «Ислам мемлекеті» ұйымының қатарында соғысуды жатса-тұрса армандаған Қадырахунов Ресей мен Сауд Арабиясына да барып келген екен. Өзі 4 баланың әкесі. Келіншегі тіпті бесіншісіне аяғы ауыр. Елді лаңкестікке шақырып жүрген сайрамдық тұрғын енді алдағы 5 жылын жалпы тәртіптегі колонияда өтеуі тиіс.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз