Кентауда ауласында қарасора өсірген тұрғын тұтқындалды
Кентау қаласының полицейлері қарасора өсірумен айналысқан 46 жастағы азаматты ұстады.
Кентау қаласының ішкі істер бөліміне қала тұрғыны өз ауласына заңсыз қарасора өсірумен айналысады деген хабарлама келіп түскен. Кентау ҚІІБ-нің қызметкерлері «Көкнар 2017» жедел профилактикалық іс-шарасын жүргізу барысында 1972 жылғы жергілікті тұрғынды ұстады. Тәртіп сақшылары тексеру барысында есірткіге ұқсас, 12 өсімдік бұтасын тәркіледі. Сот-криминалды сараптамасына сәйкес, тәркіленген зат «қарасора» есірткі өсімдігі екені анықталды. Күдікті өз кінәсін толығымен мойындады.
Аталған жайт бойынша ҚР Қылмыстық кодексінің 300-бабы, яғни «Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру» бойынша қылмыстық іс қозғалды.
Күдікті қолхатпен уақытша босатылды. Сотқа дейінгі тергеу амалдары жүргізілуде.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз