Қызылордада 37 жасар есерсоқ тұрғын үйге «бомба қойыпты»
Суыт хабар Қызылорда қалалық ішкі істер басқармасы жедел басқару орталығының «102» арнасына 2017 жылғы 7-тамызда түнгі сағат 03.20 шамасында келіп түсті, – деп хабарлайды облыстық ішкі істер департаментінің баспасөз қызметі.
– Полиция арнасына телефон шалған белгісіз бір азамат Панфилов көшесі бойындағы тұрғын үйді 2 дана газ баллоны мен 7 дана гранатаның көмегімен жарып жіберетіндігі туралы айтқан, – делінген баспасөз қызметі таратқан ақпаратта.
Жедел іздестіру шаралары барысында «жарылғыш зат» қойылғаны туралы хабарлаған 37 жастағы азамат анықталып, ол қалалық ішкі істер басқармасына жеткізілді.
Аталған дерек бойынша Қазіргі таңда Қазақстан Республикасы Қылмыстық кодексінің 273-бабы бойынша қылмыстық іс қозғалып, сотқа дейінгі тергеп-тексеру амалдары басталған.
– Алайда тексеру кезінде аталған азаматтың жүйке аурулар емханасында есепте тұратыны белгілі болып, ол дәрігерлердің бақылауына берілді, – дейді баспасөз қызметіндегілер.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе