Егер АҚШ президенті Дональд Трамп Ресейге санкциялар салу жөніндегі заң жобасына қол қоятын болса, Америка елшілігінде жұмыс істейтін 35 дипломатты еліне қайтарады. Бұл жөнінде “Коммерсантъ” басылымы сыртқы істер министрлігіндегі дереккөзге сілтеме жасап, хабарлады.
Басылымның жазуынша, ресейлік билік америкалық дипломаттар тұратын елшілік қалашығына тұруға тыйым салады. Америка енгізіп отырған жаңа санкцияларда АҚШ-тағы ресейлік дипломатиялық өкілдер жеке мүліктерін кері қайтарып ала алмайды.
Өткен жылдың желтоқсан айының соңында америкалық билік 35 ресейлік дипломатқа нон-грат жариялап, Нью-Йорк және Мэриленд штатындағы екі саяжайды жапқан. Вашингтон бұл шара Ресейдің америкалық сайлауға араласуына жауап ретінде қабылданғанын мәлімдеген.