ҚР Денсаулық сақтау министрлігінің Фармация комитеті мен оның аумақтық құрылымдарының лауазымды тұлғалары ұсталды.
Олар тұрақты түрде пара алып отырған деп айыпталуда деп хабарлады ҚР Сыбайлас жемқорлыққа қарсы іс-қимыл ұлттық бюросының баспасөз қызметі.
Келіп түскен мәліметтерге сүйенсек, фармация комитеті төрағасының міндетін атқарушы Пак Л.Ю бірнеше рет 10 млн теңгеден астам пара алған.
фармация комитетінің Оңтүстік Қазақстан облысы бойынша бас маманы Имамходжаев П.Т.,
фармация комитетінің бас сарапшысы Ибраева Д.К. ұсталды.
Олар тәжірибе сертификатын беріп, заңсыз түрде ақша алған.
Сонымен қатар пара бергені үшін “Зерде” ҮЕҰ” ЖШС атқарушы директоры Жүзбаева Э.М. ұсталды.
Ұлттық бюроның мәліметінше, аты аталған тұлғалар пара алумен қоса, кепілдендірілген көлемдегі тегін медициналық көмек аясында сатылып алынған медициналық дәрі-дәрмектердің бағасын арттыру жолымен бюджет қаражатын ұрлады деп күдікке ілініп отыр.
Сот шешімімен Пак, Қажынова, Имамходжаев және Жүзбаева тұтқындалып, Ибраева үйқамаққа алынды.