Сенбіде кейбір өңірде бұршақ жауады деп күтіледі
8-шілдеде Қазақстанның басым бөлігінде құбылмалы ауа-райы сақталып, жаңбыр жауып, найзағай жарқылдап, жел соғады деп күтіледі.
Қазгидрометтің хабарлауынша, еліміздің солтүстігі мен шығысында бұршақ жаууы ықтимал, ал оңтүстік, оңтүстік-шығысында жауын-шашынсыз ыстық ауа-райы сақталады.
Маңғыстау, Қостанай, Солтүстік Қазақстан, Павлодар, Шығыс Қазақстан, Ақтөбе, Қарағанды облыстарында кей жерлерінде күн күркіреп, жел соғуы мүмкін.
Ақмола, Қызылорда облыстарының кей жерлерінде жел тұрады, Қызылорда облысында шаңды дауыл болуы мүмкін. Атырау, күндіз Батыс Қазақстан облыстарында кей жерлерде найзағай ойнауы мүмкін.
Күндіз Алматы, Оңтүстік Қазақстан, Қарағанды облыстарында қатты ыстық, кей жерлерде өте қатты ыстық күтіледі. Батыс Қазақстан, Атырау, Қызылорда, Оңтүстік Қазақстан, Қарағанды, Қостанай, Алматы облыстарының кей жерлерінде өте жоғары өрт қаупі сақталады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе