Елбасы міндетті әлеуметтік медициналық сақтандыру жөніндегі заңға қол қойды
Елбасы міндетті әлеуметтік медициналық сақтандыру мәселелері бойынша заңға қол қойды.
Бұл туралы Ақорданың баспасөз қызметі хабарлады.
Мемлекет басшысы міндетті әлеуметтік медициналық сақтандыру мәселелері бойынша заңнаманы жетілдіруге бағытталған «Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.
Айта кетелік, бүгіннен, яғни 1-шілдеден бастап елімізде міндетті әлеуметтік медициналық сақтандыру жүйесі енгізіледі. Бұл жүйеге алғашқылардың бірі болып жұмыс берушілер мен жеке кәсіпкерлер жарна төлеуі тиіс. Жеке кәсіпкерлер 2017 жылдың 1-шілдесінен бастап ең төменгі айлық жалақының 5 проценті (2828 теңге), ал жұмыс берушілер қарамағындағы әр жұмыскер айлығының 1 проценті мөлшерінде жарна аударады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе