“Кәрімовтың ашуына қалдым”. Өзбекстанда 10 жыл қуғындалған әйгілі сықақшы эфирге оралды
Өзбекстанға еңбегі сіңген әртіс, танымал сықақшы Обид Aсомов ұзақ уақыт үзілістен кейін, эфирге қайта шығады. Бұл жөнінде Milliy TV ұлттық арнасының Facebook желісіндегі парақшасында хабарланды.
Обид Асомов жүргізетін “Кулиш шарт” (“Күлу шарт”) юморлық шоуы 24 маусымнан бастап эфирге шығады. Бұл Aсомовтың ұзақ уақытқа созылған шығармашылық үзілісінен кейінгі бірінші хабары.
54 жастағы әзілкеш Обид Aсомовты он жылдам астам уақыт бойында телеарналардан көрсетуге тыйым салған. Ол бұл жөнінде былтыр қараша айында берген сұхбатында айтқан.
Обид Асомов кезінде ресейлік “Қисық айна” сатиралық сериалына қатысқан. Бірақ осы сериалға түскеннен кейін, оған өзбек телеарналарына жол жабылған.
Сыбысқа сенсек, Кәрімовтың тұсындағы өзбек билігі Асомовты ресейлік телеарналарда өзбекті сауатсыз, күлкілі әрі мәдениетсіз етіп көрсеткені үшін эфирден аластатқан.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз