Шымкентте жанармай қоймасындағы өрттен бір адам қаза тапты
Шымкенттегі “ПетроКазахстан Ойл Продактс” жауапкершілігі шектеулі серіктестігінде өрт шығып, бір адам қаза тапты деп хабарлайды Оңтүстік Қазақстан облыстық төтенше жағдайлар департаменті. Өрт серіктестіктің жанар-жағармай сақтайтын қоймасында шыққан.
Департаменттің баспасөз қызметінің маманы Зарипа Тұрлыбекованың айтуынша, өрт 200 шаршы метрді шарпыған. Қазіргі уақытта оқиға орнында 200-ге жуық төтенше жағдай қызметкері мен 35 техника жұмыс істеп жатыр.
– Өрт әлі оқшауланып, сөндірілген жоқ. Қосымша өрт сөндіруге арнайы пойыз жұмылдырылған. Оқиға орнында алған жарақатынан 1971 жылы туған серіктестіктің қызметкері қайтыс болды
– дейді Зарипа Тұрлыбекова.
– Қазір өрт шыққан резевуардан жанында тұрған резевуарды өрт шарпу қаупі бар. Сақтық шаралары жасалып жатыр. Өрттің шығу себептері анықталып жатыр, – дейді ол.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе