Қазақстан бейбіт әрі әділ келіссөз жүргізуші ел ретінде танылған – ҚР СІМ
Қазақстанның Сыртқы істер министрі Қайрат Әбдірахманов Сирия бойынша кездесулер өткізу үшін неліктен Астана қаласы таңдалғанын айтып берді.
ҚР СІМ басшысы әскерилердің Сирияға жіберілуіне қатысты пікір білдірді деп хабарлады Sputnik Қазақстан.
“Неліктен Астана дейсіз бе? Екі жыл бұрын елордамызда сириялық оппозиция өкілдері тобын қабылдадық. Бұл біздің еліміз үшін маңызды тәжірибе болды. Келіссөздерге қолайлы жағдай жасау, әсіресе, сириялық оппозиция өкілдеріне өз мүдделерін айтуға мүмкіндік беру”, — деді Әбдірахманов сенбі күні Еуразия медиа форумында.
“БҰҰ-ның рөлі де аса маңызды. Біз Астаналық процесс Женева процесін толықтырады деп санаймыз. БҰҰ-ның жетекшілік рөлін қолдаймыз, (…) ол саяси шешім табу үшін Женева процесін бастап отыр”, — дейді министр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе