“Алыңыз, алыңыз…”. Бейсен Құранбекке уыс-уыс ақша ұсынған кім?
“Айтуға оңай” бағдарламасының жүргізушісі Бейсен Құранбек әлеуметтік желідегі парақшасында өзіне уыс-уыс ақша ұсынған таксистің әрекетін айтып берді.
Оның жазбасы ВК-дағы Атамның басы-ай тобында қызу талқылануда
“Сейфуллин-Гоголь көшелерінің қиылысынан жұмысқа дейін такси ұстағам. Бір Lada тоқтады. Рөлде – жасы жиырма бестің шамасындағы жас жігіт. Мені танып: -“Айтуға оңайды” жүргізетін ағасыз ба? деді. Жетісайдың жігіті екен. Жақында көшіп келіпті. Үй салсам деген ниеті бар екен. Содан ананы-мынаны айтып келе жатқанымызда ол қалтасынан ақшаларын шығара бастады. Бөлек-бөлек екі мың, бір мың, бес мың теңгеліктер. Умаждап сала беріпті. Такси боп тапқаны көрініп тұр. Соларды маған ұсынып, “аға, мынаны алыңызшы” дейді” – деп жазады журналист.
“Ол заманда, бұл заман таксистер клиентке қашан ақша беруші еді? деймін ғой. Сөйтсем, “xабарға көмек сұрап келгендерге берерсіз” деп қарап тұр. Алмадым. “Айналаңда мұқтаж жандар бар шығар, соларға бер” дедім. Іштей риза болдым. Әкесіз өскен, қиындықты көп көрген жігіт екен. Құдай да бергенге береді ғой, бұл бауырымның да тілеуін берсе екен, өсіп-өнсе екен деп тіледім”,
– деп жазады ол.
.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе