Шетелдікті әуежайдан қалаға жеткізген астаналық таксист 40 мың теңгені қалтасына басыпты

Венгрия азаматын әуежайдан қалаға жеткізген астаналық такси жүргізушісі алдап кеткен, – деп хабарлайды Tengrinews.kz Астана ІІД баспасөз қызметіне сілтеме жасап.

6 маусымда 14.00-де полицияға Венгрия азаматы шағым түсірген, ол белгісіз такси жүргізушісінің алаяқтық жолмен 40 000 теңге иемденіп кеткенін айтқан.  “Жедел-іздестіру шаралары барысында “Сарыарқа” ІІБ полицейлері 33 жастағы жүргізушіні ұстаған, ол шетел азаматын алдап, әуежайдан Желтоқсан көшесінде орналасқан қонақүйге жеткізгені үшін көп мөлшерде ақы алған”, – дейді елордалық ІІД өкілдері.