Қазақстанның халқы 18 миллионға жетті
Қазақстан халқының саны 18 миллиондық межеге жетті. Бұл туралы ҚР үкіметінде баспасөз мәслихатын өткізген ҚР ұлттық экономика вице-министрі Руслан Даленов айтып берді.
Бұл туралы Zakon.kz хабарлайды.
“Бізде 18 миллион халық бар. Өңірлер бойынша біз біраздан бері мәліметтерді жарияламаған едік. Негізінде санау әр он жыл сайын жүргізіледі, бірақ ол туралы ақпарат тұрақты түрде жинақталып отырады”, – деді ол.
“Біз сонымен қатар, туу, өлім көрсеткіштерін есепке алып отырамыз. Келесі айда онлайн-есептегіш орнатсақ па деп отырмыз. Ол арқылы адамдар халық санының қанша болғандығын өздері біліп отырады”, – деп атап өтті Даленов.
ҚР ҰЭМ статистика комитетінің төрағасы Нұрболат Айдапкелов бұдан да нақтырақ деректерді келтірді.
“Бізде 1 мамыр күні 17 млн 994 мың адам болды. Жалпы, бір жылда 241 мың адамға көбейген. Руслан Ерболатұлының сөзіне келетін болсақ, біз әлі 18 миллионды байқамадық, бірақ, 1 мамырда 17 млн 994 мың болса, онда мамыр айында Қазақстанда халық саны тағы да артуы тиіс”, – деді ол.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз