Мұxамедиұлы жастарды букмекерлік кеңселерден шығарудың жолын тапты

“Лотерея туралы” заң қиын құжат еді, бірақ, біз оны ақыры қабылдадық. Лотереядан қыруар қаржы түсетіндігіне қарамастан, ол кімнің қалтасына кетіп жатыр, салық төленіп жатыр ма деген сауал ескерусіз келді. Біз енді осы саланы заңмен шегелеп, ашық қылып отырмыз. Енді түскен ақшаның 15 пайызы спортты дамытуға жұмсалады. Сосын осы саладағы әлемнің үздік компанияларын тартып жатырмыз. «Неге?» десеңіз, егер лотерея саласы жақсы дамыса, онда букмекерлік кеңселер мен тотализаторларда отырған жастардың барлығын лотереяға шығаруға болады. Бұл – әлемдік тәжірибе. Ол үшін лотереяны ашық салаға айналдырған маңызды», – деді Арыстанбек Мұxамедиұлы.