Алматы облысында 14 мың оқушы мектеп бітіреді

26 мамыр 2017, 16:35

Ал облыстағы білім саласының бюджеті 150 млрд теңгеге жетті. «Нұрлы жол» бағдарламасы аясында биыл 9 мектеп пен 5 балабақша салынды. Алдағы жылдардың ішінде тағы 48 білім ғимараты бой көтереді. Қазір облыс орталығы Талдықорғанда 24 мектеп бар. Бұл білім ордаларын 1300 шәкірт аяқтағалы отыр.

Самғат Долаев, Талдықорғандағы №1 мектеп-гимназияның директоры:

– Оқу бағдарламасы бір орында тұрған жоқ. Жаңа бағдарламалар енгізіліп жатыр. Материалдық-техникалық база керек, оны жаңарту керек. Бұл бағытта да үлкен жұмыстар атқарылуда, іске асуда. Енді оқушыларымыз – біздің балалар білім алып, елімізге табысын көрсетеді деген сенімдеміз.

Гүлдана Орынғали, Талдықорғандағы №1 мектеп-гимназияның түлегі:

– Бүгін біз мектеп бітіріп жатырмыз. 11 жыл бойы осы мектепте оқыдық. Мұғалімдерімізге, ата-аналарымызға рақмет айтамыз. ҰБТ-дан жоғары баға аламыз деген үміттеміз.